ირანსა და აშშ-ს შორის თეირანის ბირთვულ პროგრამაზე 3 მაისს დაგეგმილი მოლაპარაკებები გადაიდო.
ამის შესახებ ომანის საგარეო საქმეთა მინისტრმა, ბადრ ალ-ბუსაიდიმ განაცხადა.
ალ-ბუსაიდიმ, რომლის ქვეყანაც აშშ-ირანის მოლაპარაკებების შუამავლობას ახორციელებს, განაცხადა, რომ მოლაპარაკებები „ლოგისტიკური მიზეზების გამო“ გადაიდო.
„ახალი თარიღები ორმხრივი შეთანხმების შემდეგ გამოცხადდება“, - წერს ალ-ბუსაიდი X-ზე.
აპრილის დასაწყისიდან შეერთებულმა შტატებმა და ირანმა ომანის შუამავლობით ირანის ბირთვულ პროგრამაზე არაპირდაპირი მოლაპარაკებები დაიწყეს. ამერიკულ მხარეს წარმოადგენს ტრამპის წარმომადგენელი სტივ uიტკოფი, ხოლო ირანულ მხარეს - საგარეო საქმეთა მინისტრი აბას არაღჩი.
ტრამპის ადმინისტრაცია მოითხოვს, რომ ირანმა უარი თქვას ბირთვული იარაღის შემუშავებისა და ურანის გამდიდრების გეგმებზე.
თეირანი, თავის მხრივ, აცხადებს, რომ არასდროს დათანხმდება ურანის გამდიდრების ცენტრიფუგების დემონტაჟს, გამდიდრების სრულად შეჩერებას ან გამდიდრებული ურანის მარაგების 2015 წლის ხელშეკრულებით შეთანხმებულ დონემდე შემცირებას.
