უნგრეთის პარლამენტმა მხარი დაუჭირა ქვეყნის გასვლას სისხლის სამართლის საერთაშორისო სასამართლოდან.
„ამ გადაწყვეტილებით, ჩვენ უარს ვამბობთ ვიყოთ პოლიტიზებული ინსტიტუტის ნაწილი, რომელმაც დაკარგა მიუკერძოებლობა და ავტორიტეტი“, - წერს უნგრეთის საგარეო საქმეთა მინისტრი პიტერ სიიარტო X-ზე.
კანონის მიღების შემდეგ, უნგრეთმა გაერო-ს უნდა აცნობოს საერთაშორისო სისხლის სამართლის სასამართლოდან გასვლის შესახებ. გადაწყვეტილება ძალაში ერთი წლის შემდეგ შევა.
უნგრეთმა რომის სტატუტს, საერთაშორისო ხელშეკრულებას, რომელმაც დააარსა სისხლის სამართლის საერთაშორისო სასამართლო, ხელი 1999 წელს მოაწერა და ორი წლის შემდეგ მისი რატიფიცირება მოახდინა.
უნგრეთის ხელისუფლებამ სასამართლოდან გასვლის გეგმების შესახებ აპრილის დასაწყისში, გამოაცხადა, როდესაც ქვეყანაში ისრაელის პრემიერ-მინისტრი ბენიამინ ნეთანიაჰუ ჩავიდა.
საერთაშორისო დაპატიმრების ორდერის მიუხედავად, ნეთანიაჰუ არ დაუკავებიათ, რის შემდეგაც სისხლის სამართლის საერთაშორისო სასამართლომ ახსნა-განმარტება მოითხოვა.
