ინდოეთში ქაშმირის პროვინციაში, სამხრეთ პაჰალგამის ტურისტულ ზონაში მებრძოლებმატურისტებს ცეცხლი გაუხსნეს. წინასწარი მონაცემებით, თავდასხმის შედეგად 26 ადამიანი დაიღუპა.
როგორც Reuters-ი წყაროებზე დაყრდნობით იუწყება, ეს არის ყველაზე მასშტაბური თავდასხმა მშვიდობიან მოსახლეობაზე რეგიონში ბოლო წლების განმავლობაში.
მედიის ცნობით, თავდასხმა ორმა ან სამმა მებრძოლმა განახორციელა.
თავდასხმაზე პასუხისმგებლობა აიღო ქაშმირის წინააღმდეგობის დაჯგუფებამ, რომელიც ხელისუფლებას რეგიონში „უცხოების“ გადასახლებაში ადანაშუალებს და აცხადებს, რომ ესსაფრთხეს უქმნის ადგილობრივ დემოგრაფიას.
რეგიონში გაქცეული თავდამსხმელების დაკავების მიზნით, მასშტაბური ანტიტერორისტული ოპერაცია მიმდინარეობს.
ინდოეთის პრემიერ-მინისტრმა, ნარენდა მოდიმ თავდასხმა დაგმო და შინაგან საქმეთა მინისტრს, ამიტ შახს რეგიონში სასწრაფოდ გამგზავრება უბრძანა.
