რომის პაპ ფრანცისკეს შაბათს, 26 აპრილს დაკრძალავენ.
ცოტა ხნის წინ, ვატიკანში შეკრებილმა კარდინალებმა გამოაქვეყნეს გეგმა რომის პაპის დაკრძალვის თარიღისა და პროცესიის თაობაზე.
გავრეცლებული ინფორმაციით, დაკრძალვის ცერემონიალი 26 აპრილს დილით, წმინდა პეტრეს ბაზილიკის წინ მდებარე მოედნიდან დაიწყება. მსახურებას კარდინალთა კოლეგიის დეკანი, ჯოვანი ბატისტა რე უხელმძღვანელებს.
ამავდროულად, ცნობილი გახდა, რომ კონკლავი, სადაც ახალი პაპი უნდა აირჩიონ, 5 მაისს დაიწყება.
ვატიკანმა ასევე დაადასტურა, რომ პაპის ცხედარს ხვალ დილით, წმინდა პეტრეს ბაზილიკაში გადაასვენებენ.
მისი ცხედარი ამჟამად დასვენებულია კუბოში სანტა მარტას რეზიდენციის სამლოცველოში, სადაც ის ცხოვრობდა.
რომის პაპის ანდერძის თანახმად, მას რომის ოთხი ძირითადი პაპის ბაზილიკიდან ერთ-ერთში, სანტა მარია მაჯორეს ბაზილიკაში დაკრძალავენ.
ფრანცისკე იქნება პირველი პაპი საუკუნეზე მეტი ხნის განმავლობაში, რომელსაც ვატიკანის მიღმა დაკრძალავენ.
რომის პაპი ფრანცისკე 21 აპრილს, 88 წლის ასაკში გარდაიცვალა.
