აშშ-ის სახელმწიფო მდივანმა მარკო რუბიომ ჟურნალისტებს განუცხადა, რომ აშშ მზადაა უარი თქვას უკრაინაში მშვიდობის მიღწევის მცდელობებზე, თუ დაინახავს, რომ მალე პროგრესი არ იქნება.
„უახლოეს დღეებში უნდა განვსაზღვროთ, შესაძლებელია თუ არა (მშვიდობა), მე ვსაუბრობ რამდენიმე დღეზე, შესაძლებელია თუ არა ეს მომდევნო რამდენიმე კვირაში. პრეზიდენტი ამაში ძალიან დარწმუნებულია. მან ამას დიდი დრო და ენერგია დაუთმო. და თუ ეს შეუძლებელია, ჩვენ უნდა ვიმოძრაოთ, რადგან შეერთებულ შტატებს სხვა პრიორიტეტები აქვს“, - განაცხადა რუბიომ.
რუბიო პარიზში 17 აპრილს ჩავიდა, შეერთებული შტატების, უკრაინისა და ევროპის სამი ქვეყნის - დიდი ბრიტანეთის, გერმანიისა და საფრანგეთის წარმომადგენლებს შორის მოლაპარაკებები გაიმართა.
