ფრანგული მედიის BFMTV-ის ინფორმაციით, 17 აპრილს პარიზში შეერთებული შტატების, უკრაინისა და ევროპის სამი ქვეყნის - დიდი ბრიტანეთის, გერმანიისა და საფრანგეთის წარმომადგენლებს შორის მოლაპარაკებების შემდეგ მხარეები შეთანხმდნენ მომავალ კვირას ლონდონში შეხვდნენ.
მედიის ცნობით, ფრანგულმა მხარემ განაცხადა, რომ ხუთშაბათს პარიზში ხუთი ქვეყნის წარმომადგენელთა შეხვედრაზე „შედგა აზრთა შესანიშნავი, მაღალი ხარისხის გაცვლა, რომელიც მიზნად ისახავს უკრაინისთვის მუდმივი მშვიდობის მიღწევას“.
„დღეს პარიზში ჩვენ დავიწყეთ პროცესი, რომელიც პოზიტიურია და რომელშიც ევროპელები მონაწილეობენ“, - აღონიშა შეხვედრაზე.
ელისეს სასახლეში აცხადებენ, რომ მომავალ კვირას ლონდონში დაგეგმილია შეერთებული შტატების, უკრაინისა და ევროპის სამი ქვეყნის წარმომადგენლების მორიგი შეხვედრა.
შეგახსენებთ, რომ ხუთშაბათს პარიზში ჩავიდნენ უკრაინისა და შეერთებული შტატების დელეგაციები, ასევე დიდი ბრიტანეთისა და გერმანიის წარმომადგენლები, სადაც რუსეთ-უკრაინის ომის დასრულებაზე სხვადასხვა ფორმატში მოლაპარაკებები გაიმართა.
გავრცელებული ინფორმაციით, საფრანგეთის პრეზიდენტმა ემანუელ მაკრონმა ელისეის სასახლეში შეერთებული შტატების დელეგაცია მიიღო.
პარიზში ასევე გაიმართა შეხვედრა უკრაინის დელეგაციასა და საფრანგეთის, გერმანიისა და დიდი ბრიტანეთის წარმომადგენლებს შორის.
