ამერიკის შეერთებული შტატების პრეზიდენტმა დონალდ ტრამპმა განაცხადა, რომ უკრაინასთან სასარგებლო მინერალებოს შესახებ შეთანხმებას ხელი შესაძლოა, მომავალ კვირას მოეწეროს.
ამის შესახებ ტრამპმა თეთრ სახლში იტალიის პრემიერ-მინისტრ ჯორჯია მელონთან შეხვედრის შემდეგ ერთობლივ ბრიფინგზე განაცხადა.
ამერიკის ლიდერმა ასევე დააკონკრეტა, რომელ დღეს გაფორმდება ხელშეკრულება.
„ჩვენ გვაქვს სასარგებლო წიაღისეულზე ხელშეკრულება, რომელსაც ვფიქრობ ხელი ხუთშაბათს მოეწერება. მომავალ ხუთშაბათს [24 აპრილს], რაც შეიძლება მალე. ჩვენ გვაქვს შეთანხმება ამაზე“, - განაცხადა მან.
