ატომური ენერგიის საერთაშორისო სააგენტოს (IAEA) გენერალურმა დირექტორმა რაფაელ გროსიმ Le Monde-თან ინტერვიუში განაცხადა, რომ ირანი ფლობს მასალას რამდენიმე ბირთვული ბომბის შესაქმნელად.
მან აღნიშნა, რომ თეირანს აქვს საკმარისი მასალა ბომბებისთვის, მაგრამ მას ჯერ არ გააჩნია ბირთვული იარაღი.
გროსიმ სიტუაცია ფაზლს შეადარა: ამ ფაზლის ნაწილები არსებობს და „ერთ დღეს ისინი შეძლებენ მათ შეერთებას“, - თქვა მან.
გროსი მიიჩნევს, რომ ირანის ხელისუფლება "არც ისე შორს არის" იმ მომენტისგან, როდესაც ბირთვული იარაღი ფლობა შეეძლება.
მან ხაზი გაუსვა, რომ ბოლო ოთხი წლის განმავლობაში სააგენტომ დააფიქსირა "ძალიან სტაბილური აჩქარება" ირანის მხრიდან ბირთვული იარაღის შექმნის სფეროში.
გროსიმ ასევე კომენტარი გააკეთა ირანში ვიზიტზე, რომელიც 16 აპრილს უნდა დაწყებულიყო. მისი თქმით, თეირანი დაინტერესებულია IAEA-ს ხელმძღვანელის ვიზიტით.
გროსის თქმით, IAEA-ს გარეშე ირანის ბირთვულ პროგრამაზე ნებისმიერი შეთანხმება იქნება "უბრალოდ ქაღალდის ნაგლეჯი".
მან აღნიშნა, რომ მხოლოდ ატომური ენერგიის საერთაშორისო სააგენტოს შეუძლია უზრუნველყოს საიმედო მონიტორინგის სისტემა.
