სლოვაკეთმა 2022 წელს, უკვე აიღო ვალდებულება ევროკავშირის საბჭოს შესაბამისი გადაწყვეტილების ფარგლებში, უარი ეთქვა რუსეთის ტერიტორიაზე ნებისმიერ პოლიტიკურ ღონისძიებაში მონაწილეობაზე და ეს ვალდებულება უნდა შეასრულოს.
ამის შესახებ ევროკომისიის სპიკერმა ანიტა ჰიპერმა 16 აპრილს ბრიუსელში გამართულ ბრიფინგზე განაცხადა სლოვაკეთის პრემიერ-მინისტრის რობერტ ფიცოს განცხადების - „ვერავინ მიუთითებს მას“ წავიდეს თუ არა მოსკოვში, საპასუხოდ.
ჰიპერმა ხაზგასმით აღნიშნა, რომ ჯერ კიდევ 2022 წელს, ევროკავშირის ქვეყნები შეთანხმდნენ უარი თქვან ყველა მიწვევაზე რუსეთიდან ისეთ ღონისძიებებზე, როგორიცაა 9 მაისის აღლუმი და სლოვაკეთი ამას დათანხმდა.
„რუსეთი იყენებს მეორე მსოფლიო ომს უკრაინის წინააღმდეგ აგრესიული ომის გასამართლებლად... ჩვენთვის მნიშვნელოვანია, რომ არ მივცეთ ეს ლეგიტიმაცია ამ აღლუმის მსგავს ღონისძიებებში მონაწილეობით.
და, ფაქტობრივად, ჩვენ ასევე გვაქვს საბჭოს გადაწყვეტილება ამ საკითხთან დაკავშირებით: წევრი სახელმწიფოები, მათ შორის სლოვაკეთი, 2022 წელს შეთანხმდნენ, რომ უარყოფენ ასეთი მიწვევებს“, - განაცხადა ევროკომისიის სპიკერმა.
ევროკომისიის კიდევ ერთმა წარმომადგენელმა, გიომ მერსიემ, რომელიც პასუხისმგებელია ევროკავშირის გაფართოების საკითხებზე, უპასუხა დამაზუსტებელ შეკითხვას ევროკავშირის კანდიდატი სახელმწიფოს, სერბეთის პრეზიდენტის ალექსანდრ ვუჩიჩის მოსკოვში შესაძლო ვიზიტთან დაკავშირებით.
„სერბეთმა წარადგინა განაცხადი და აწარმოებს მოლაპარაკებებს ევროკავშირში გაწევრიანებაზე. სერბეთის გადაწყვეტილება ნიშნავს, რომ ქვეყანას სურს ევროკავშირს შეუეთდეს, მათ შორის საგარეო პოლიტიკის საკითხებში.
ამიტომ, ევროკავშირს სურს დაინახოს სერბეთი, როგორც საიმედო ევროპელი პარტნიორი, რომელიც იზიარებს საერთო პრინციპებს, ღირებულებებს, უსაფრთხოებისა და კეთილდღეობის საკითხებს და ჩვენ გვჭირდება, რომ სერბეთმა დაგვარწმუნოს ამ სტრატეგიულ პოზიციაში“, - თქვა მან.
საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა, კაია კალასმა ლუქსემბურგში, საგარეო საქმეთა მინისტერიალის დასრულების შემდეგ გამართულ პრესკონფერენციაზე განაცხადა, რომ 9 მაისის აღლუმში ან საზეიმო ღონისძიებაში ნებისმიერი სახის მონაწილეობა არ იქნება მსუბუქად აღქმული ევროპული მხარის მიერ. კალასმა აღნიშნა, რომ ევროკავშირს არ სურს, რომელიმე კანდიდატმა ქვეყანამ მონაწილეობა მიიღოს 9 მაისს მოსკოვში დაგეგმილ ღონისძიებაში.
გავრცელებული ინფორმაციით, სლოვაკეთის პრემიერ-მინისტრმა რობერტ ფიცომ საგარეო პოლიტიკისა და უსაფრთხოების საკითხებში ევროკავშირის უმაღლესი წარმომადგენლის, კაია კალასისგანცხადების საპასუხოდ თქვა: „ვერავინ მიმითითებს სად უნდა წავიდე ან უნდა წავიდე თუ არა.
სლოვაკეთის პრემიერ-მინისტრმა კიდევ ერთხელ დაადასტურა, რომ მისი პოვნა 9 მაისს მოსკოვში იქნება შესაძლებელი.
