უწყვეტი საპროტესტო აქციის 138-ე დღეს რუსთაველის გამზირი ისევ გადაიკეტა.
სტუდენტები, სინდისის პატიმრების ოჯახის წევრები და მოქალაქეები მსვლელობით თსუ-ის პირველი კორპუსის ეზოდან დაიძრნენ. მათ საზოგადოებრივ მაუწყებელთან შეკრებილი მოქალაქეებიც შეუერთდნენ.
ქართული ენის დღესთან დაკავშირებით აქციის „გამარჯვება ჩვენშია, ძალა სტუდენტებშია” მიზანი იმ ისტორიული მარშრუტის გავლა იყო, რომელიც სტუდენტებმა და პროფესორ-მასწავლებელმა 1978 წლის 14 აპრილს გაიარეს თსუ-ის პირველი კორპუსიდან პარლამენტამდე.
მანამდე, დღეს მოქალაქეები 16:00 საათზე პარლამენტის უკანა შესასვლელთან შეიკრიბნენ, სადაც გიორგი გახარია ე.წ. საგამოძიებო კომისიის სხდომაზე იმყოფებოდა.
ფოტო: პუბლიკა
