13 აპრილს სუმზე რუსეთის მიერ განხორციელებული ბალისტიკური რაკეტებით დარტყმების შედეგად დაღუპულთა რაოდენობა 34-მდე გაიზარდა, დაშავდა 117 ადამიანი, მათ შორის 15 ბავშვი. დაღუპულთა შორის 2 ბავშვია. ამის შესახებ ნათქვამია უკრაინის საგანგებო სიტუაციების მართვის სამსახურის ინფორმაციაში.
რუსეთის თავდასხმას უკრაინის პრეზიდენტი ვოლოდიმირ ზელენსკი გამოეხმაურა.
"რაკეტებმა დაარტყეს ქალაქის ერთ ჩვეულებრივ ქუჩას, სადაც ძირითადად საცხოვრებელი სახლები, საგანმანათლებლო დაწესებულებებია, მანქანები ქუჩაში... და ეს იმ დღეს, როდესაც ხალხი მიდის ეკლესიაში - ბზობის კვირა, უფლის იერუსალიმში შესვლის დღესასწაულზე.... მხოლოდ ნაძირალას შეუძლია ასე მოიქცეს - უბრალო ადამიანებს სიცოცხლე წაართვას..“, - დაწერა ზელენსკიმ.
