უკრაინის სამხედრო საჰაერო ძალების F-16-ის პილოტი, 26 წლის პავლო ივანოვი საბრძოლო დავალების შესრულების დროს დაიღუპა. ინფორმაციას უკრაინის საჰაერო ძალები ავრცელებს.
ტრაგედიის ყველა გარემოებას უწყებათაშორისი კომისია ადგენს, რომელმაც მუშაობა უკვე დაიწყო.
უწყებაში პილოტის დაღუპვის დეტალებზე არ საუბრობენ.
უკრაინის პრეზიდენტმა, ვოლოდიმირ ზელენსკიმ ივანოვის სიკვდილის შესახებ კომენტარი გააკეთა.
"ამ საბრძოლო სიტუაციის შესახებ სამხედროების ანგარიშები იყო აუცილებელი. გარემოებებს ვიკვლევთ". - თქვა ზელენსკიმ.
მოგვიანებით, ცნობილი გახდა, რომ ზელენსკიმ F16-ის პილოტი, პავლო ივანოვი, უკრაინის გმირის წოდებით დააჯილდოვა.
"პირადი სიმამაცისთვისა და გმირობისთვის, რომელიც მან სახელმწიფოებრივი სუვერენიტეტისა და უკრაინის ტერიტორიული მთლიანობის დაცვით გამოავლინა, უკრაინელი ერის თავგანწირული მსახურებისთვის ვბრძანებ:
გადაეცეს უკრაინის გმირის წოდება "ოქროს ვარსკვლავის" ორდენის გადაცემით პავლო ივანოვიჩ ივანოვს - მაიორს (სიკვდილის შემდგომ". - წერია ზელენსკის განკარგულებაში.
