ევროკავშირმა აშშ-ის წინააღმდეგ ტარიფების დაწესება 90 დღით შეაჩერა. შესაბამისი განცხადება ევროკომისიის პრეზიდენტმა, ურსულა ფონ დერ ლაიენმა გაავრცელა.
"ჩვენ მხედველობაში ვიღებთ პრეზიდენტ დონალდ ტრამპის განცხადებას. გვსურს, მოლაპარაკებების გამართვას შანსი მივცეთ". - დაწერა მან.
ევროკომისიის პრეზიდენტის თქმით, ევროკავშირის მიერ მიღებული საპასუხო ზომები, რასაც "წევრი სახელმწიფოების მხრიდან მტკიცე მხარდაჭერა ჰქონდა", 90 დღით გადავადდება, თუმცა მან დაამატა, რომ "მაგიდაზე ყველა ვარიანტი რჩება".
"თუკი მოლაპარაკებები არ იქნება დამაკმაყოფილებელი, საპასუხო ზომები ძალაში შევა". – დაწერა ფონ დერ ლაიენმა X-ზე
შეგახსენებთ, „თრუს სოშიალზე“ დონალდ ტრამპმა დაწერა, რომ ათობით ქვეყნის მიმართ დაწესებული ტარიფები 90 დღით შეაჩერა.
