აშშ-ის პრეზიდენტმა დონალდ ტრამპმა განაცხადა, რომ მას სურს, რომ ირანი იყოს ძლიერი ქვეყანა, მაგრამ ბირთვული იარაღის ფლობის გარეშე.
„მე მსურს, რომ ის აყვავებული ქვეყანა იყოს. მსურს, რომ ირანი იყოს დიადი [როგორც სახელმწიფო]. ერთადერთი, რაც მათ არ შეუძლიათ ჰქონდეთ, ეს არის ბირთვული იარაღი," - განაცხადა ტრამპმა.
ტრამპმა ეს განცხადება გააკეთა ამ კვირაში ომანში დაგეგმილი არაპირდაპირი მოლაპარაკებების წინ აშშ-სა და ირანის დელეგაციების შორის და მას შემდეგ, რაც ვაშინგტონმა ოთხშაბათს ირანის წინააღმდეგ ახალი სანქციები გამოაცხადა.
ამასთან, ამერიკის პრეზიდენტმა აღნიშნა, რომ აშშ მზადაა საჭიროების შემთხვევაში სამხედრო ქმედებები განახორციელოს.
მან ასევე აღიარა, რომ ამ შემთხვევაში შესაძლოა ისრაელიც ჩაერთოს.
