გერმანიის ინტერესებში შედის, რომ საქართველო არ გადაიქცეს რუსეთის მსგავს ავტორიტარულ დიქტატურად, - ამის შესახებ გერმანიის ბუნდესტაგის დეპუტატი, კნუტ აბრაჰამი სოციალურ ქსელში წერს.
"2024 წლის ოქტომბრის უსამართლო არჩევნების შემდეგ ათასობით ქართველი ყოველ დღე გაბედულად აწყობს დემონსტრაციას ახალი არჩევნებისთვის და საკუთარი ქვეყნის დემოკრატიული და ევროპული მომავლისთვის. პარტია „ქართული ოცნების“ ავტოკრატიული ხელისუფლების პასუხი იყო ძალადობა, დაშინება და იანვრიდან მოყოლებული დრაკონული კანონები, რომლებიც შექმნილია სამოქალაქო საზოგადოებისა და პოლიტიკური ოპოზიციის გაჩუმებისთვის. პოლიტიკური ნიშნით 51 ადამიანი დააკავეს. გერმანიის ინტერესებში შედის, რომ საქართველო, ევროპის საბჭოს წევრი (ადამიანის უფლებათა დაცვის უდიდესი ინსტიტუტი) არ გადაიქცეს რუსეთის მსგავს ავტორიტარულ დიქტატურად. ჩვენ ახლა არ უნდა მივატოვოთ მამაცი ხალხი. ევროპის საბჭოს საპარლამენტო ასამბლეაში ვესაუბრე საქართველოს სამოქალაქო საზოგადოების წარმომადგენლებს", - წერს აბრაჰამი.
