ბაქო-თბილისი-ყარსის სარკინიგზო ხაზის პროექტის ფარგლებში თურქეთში აშენდება სადგური, რომელიც ევრუპულ და პოსტსაბჭოთა სტანდარტების სარკინიგზო ხაზებს შეართებს. ამის შესახებ ბაქო-თბილისი-ყარსის სარკინიგზო ხაზის პროექტის განხორციელებასთან დაკავშირებით საკოორდინაციო საბჭოს სამმხრივი სხდომის დასრულების შემდეგ გახდა ცნობილი.
როგორც მინისტერიალის დამთავრების შემდეგ აზერბაიჯანის ტრანსპორტის მინისტრმა ზია მამედოვმა განაცხადა, არსებობს ორი სარკინიგზო სტანდარტი - ევროპული და ე.წ. საბჭოთა. ამიტომ ასრებობს საჭიროება, სადგურის აშენებისა, სადაც ეს სტანდარტები ერთმანეთს შეუერთდება.
"ევროპული სტანდარტი არის 14/35, ჩვენი კი 15/20. ამიტომ ბუნებრივია, რომ ის კომუნიკაციები და შენობები, რომელიც არსებობს თურქეთის ტერიტორიაზე, არ ემთხვევა ჩვენს კომუნიკაციებს. კერძოდ, ჩვენ განვიხილავთ როგორ მოვახერხოთ ტვირთების გადაზიდვის საკითხი. ჩვენი აზრით, თურქეთის ტერიტორიაზე, უნდა აშენდეს სადგური ტვირთების გადაზიდვისთვის და ამ სტანდარტების შეერთებისთვის", - განაცხადა აზერბაიჯანმა.
მან აღნიშნა, რომ მხარეებმა ყველა საკითხზე მიაღწიეს შეთანხმება და მისი თქმით ეს პროექტი დასრულდება 2012 წლისთვის.
შეხვედრის დასრულების შემდეგ, საქართველოს რეგიონული განვითარებისა და ინფრასტრუქტურის მინისტრმა რამაზ ნიკოლეიშვილმა განაცხადა, რომ ქართულმა, აზერბაიჯანულმა და თურქულმა მხარემ სარკინიგზო ხაზთან არსებულ ყველა საკითხზე შეთანხმებას მიაღწიეს.
"ჩვენთვის საკმაოდ მნიშვნელოვანი იყო მოგვესმინა მშენებლობის ტემპების შესახებ.ამ პროექტის ფარგლებში თურქულ ნაწილში 70 კილომეტრი სარკინიგზო ხაზი შენდება. ასევე 4,5 კილომეტრიანი გვირაბი, რაც ძალიან მნიშვნელოვანია. მინდა გითხრათ რომ მათ პროექტის 53 პროცენტი უკვე შესრულებული აქვთ. ჩვენ დავგეგმეთ უპირატესი გეგმები. ამ პროექტზე ასობით მილიონი ლარი უნდა დაიხარჯოს. დღევანდელმა დღემ გვაჩვენა რომ ეს პროექტი წარმატებულად მიმდინარეობს. მინდა აღვნიშნო რომ ეს პროექტი 100 საუკეთესო პროექტს შორის დასახელდა", - განაცხადა ნიკოლაიშვილმა.
შეხვედრაზე მონაწილეობდა თურქეთის დელეგაციაც ტრანსპორტისა და კომუნიკაციების მინისტრის ბინალი ილდირიმის ხელმძღვანელობით. მისი თქმით, პროექტი გეგმაზომიერად მიმდინარეობს და მისი საბოლოოდ განხორციელება ძალზედ მნიშვნელოვანია.
თბილისში აღნიშნულ პროექტზე გამართული სამმხრივი შეხვედრები 25 იანვარს დაიწყო და დღეს დასრულდა.
საქართველოსა და თურქეთში გამავალი სარკინიგზო მაგისტრალის მთლიანი სიგრძე 245 კმ-ია. აქედან 175 კმ საქართველოს ტერიტორიაზე გადის, ხოლო 70 კმ რკინიგზა გაივლის თურქეთის ტერიტორიაზე.
რეაბილიტაცია უტარდება საქართველოს ტერიტორიაზე გამავალი რკინიგზის 150 კმ-იან მონაკვეთს. აღნიშნულ მონაკვეთზე დაგეგმილია 9 სადგურის განახლება. ახალქალაქი-კარწახის 25 კმ-იან მონაკვეთზე იგება სრულიად ახალი სარკინიგზო ხაზი. აღნიშნულ მონაკვეთზე აშენდება 2 ახალი სადგური და 4 ახალი ხიდი.
თურქეთი-საქართველოს საზღვარზე, კარწახში შენდება 4 კმ-იანი დამაკავშირებელი გვირაბი, რომლის ნახევარიც საქართველოს ტერიტორიაზე გაივლის, ნახევარი კი თურქეთის ტერიტორიაზე.
შეგახსენებთ, რომ ბაქო-თბილისი-ყარსის სარკინიგზო მაგისტრალის პროექტი "ბაქო-თბილისი-ყარსის ახალი სარკინიგზო ხაზის" მშენებლობის შესახებ საქართველოს, აზერბაიჯანისა და თურქეთს შორის გაფორმებული საერთაშორისო შეთანხმების ფარგლებში ხორციელდება და საქართველო-აზერბაიჯანი-თურქეთის, როგორც ინფრატსრუქტურული ასევე რეიგონული მნიშვნელობის თვალსაზრისით უმნიშვნელოვანეს პროექტს წარმოადგენს..