სულ მცირე 98 ადამიანი დაიღუპა სამშაბათს საღამოს, 8 აპრილს, დომინიკის რესპუბლიკაში ღამის კლუბში სახურავის ჩამონგრევის შედეგად.
სამაშველო სამსახურის ინფორმაციით, 150-ზე მეტი ადამიანი დაშავდა. მათივე ცნობით, დაღუპულთა რაოდენობა შეიძლება გაიზარდოს. 400-მდე მაშველი ნანგრევებში დაკარგულებს ეძებს.
ადგილობრივი მედიის ცნობით, ქვეყნის დედაქალაქში, სანტო დომინგოში, პოპულარული Jet Set კლუბის სახურავი უეცრად ჩამოინგრა ცნობილი მომღერლის, რუბი პერესის გამოსვლის დროს. ადგილობრივი მედიის ცნობით, ტრაგედიას 69 წლის მომღერალიც ემსხვერპლა.
