უკრაინა წელს ბელგიიდან F-16-ის ტიპის ორ გამანადგურებელს მიიღებს.
ამის შესახებ ბელგიის პრემიერ-მინისტრმა ბარტ დე ვევერმა დღეს კიევში პრეზიდენტ ვოლოდიმირ ზელენსკისთან ერთობლივ პრესკონფერენციაზე განაცხადა.
„ჩვენ დავპირდით, რომ გავხდებოდით F-16-ების უმსხვილესი მიმწოდებელი უკრაინისთვის, რა თქმა უნდა, ჩვენს სიტყვებს შევინარჩუნებთ. წელს სათადარიგო ნაწილებისთვის ორი F-16 ჩამოვა. ორი თვითმფრინავი - მომავალ წელს", - თქვა მან. პრემიერმა იმედი გამოთქვა, რომ კიდევ მეტი გამანადგურებელი იქნება.
„მაგრამ ჩვენ ველოდებით F-35-ებს. ჩვენი მხრიდან შეფერხებები არ არის. როგორც კი ჩვენ მივიღებთ F-35-ს, უკრაინას შეძლებს დაუყოვნებლივ მიიღოს F-16. იმ F-16-ებს, რომლებსაც უკრაინას დავპირდით,” - თქვა მან.
როგორც უკრაინული მედია აღნიშნავს, ჯერ კიდევ 2023 წლის ბოლოს, ბელგიამ განაცხადა, რომ უკრაინას F-16-ის ტიპის 30 ამერიკულ გამანადგურებელს გადასცემდა.
ქვეყანამ ეს ნაბიჯი გადადგა მას შემდეგ, რაც შეიძინა F-35-ის ტიპის ახალი თაობის მოიერიშე თვითმფრინავები. პირველი თვითმფრინავის მიწოდება გასული წლის ბოლომდე იყო დაგეგმილი.
მარტის დასაწყისში ბარტ დე ვევერმა თქვა, რომ არ გამორიცხავს შესაძლებლობას, რომ პირველი F-16-ები, რომლებიც ჯერ კიდევ 2023 წლის ბოლოს იყო დაპირებული, წელს უკრაინაში გაიგზავნება. თუმცა, მხოლოდ "სათადარიგო ნაწილებისთვის".
რაც შეეხება ბრძოლისუნარიან გამაბადგურებლებს, მისი თქმით, მათი მიწოდება, სავარაუდოდ, მომავალ წელს, 2026 წელს დაიწყება.
