აშშ-ის პრეზიდენტმა დონალდ ტრამპმა განმარტა, თუ რატომ არ საუბრობს შეერთებული შტატები რუსეთთან ტარიფების შესახებ. მისი თქმით, მიზეზი არის ის, რომ ორ ქვეყანას შორის პრაქტიკულად არ არსებობს საქმიანი კავშირები.
ამის შესახებ მან ისრაელის პრემიერ-მინისტრ ბენიამინ ნეთანიაჰუსთან შეხვედრისას განაცხადა.
„მიზეზი, რის გამოც არ ვსაუბრობთ ტარიფებზე რუსეთთან არის ის, რომ ჩვენ არსებითად არ ვაწარმოებთ ბიზნესს რუსეთთან, - აღნიშნა ტრამპმა
ტრამპმა ასევე გამოთქვა შეშფოთება ბრძოლის ველზე რუსეთის ქმედებებთან დაკავშირებით.
მისი თქმით, დაბომბვები რუსეთის მხრიდან ღრმად შემაშფოთებელია.
„მე არ ვარ კმაყოფილი იმით, რაც ხდება დაბომბვასთან დაკავშირებით, რადგან ისინი ახლა გიჟივით ბომბავენ [უკრაინას]. ეს არ არის კარგი სიტუაცია. ასე რომ, ჩვენ ვხვდებით რუსეთს, ვხვდებით უკრაინას და ჩვენ თითქოს ვუახლოვდებით შეთანხმებას, მაგრამ მე არ ვარ კმაყოფილი იმ დაბომბვებით, რაც ბოლო კვირაში ხდება. ეს საშინელებაა“, – თქვა ტრამპმა“, - განაცხადა ტრამპმა.
