ევროკავშირის სპეციალურმა წარმომადგენელმა სანქციების საკითხებში დევიდ ო’სალივანმა სააგენტო Bloomberg-თან ინტერვიუში განაცხადა, რომ სანქციების თემაზე ამერიკელებთან საუბარი ჯერ არ ყოფილა.
მისი თქმით, აშშ-ის პრეზიდენტის დონალდ ტრამპის ადმინისტრაციის წარმომადგენლებს ჯერ არ მიუმართავთ მას სანქციების შემსუბუქების შესახებ წინადადებით.
სანქციების შემსუბუქება, მათ შორის რუსეთის სახელმწიფო აგრარული ბანკის SWIFT-თან დაკავშირება, არის კრემლის ერთ-ერთი მოთხოვნა უკრაინაში ზავის მისაღწევად.
სანქციების შემსუბუქებას ევროკავშირის ყველა წევრმა ქვეყანამ ერთხმად უნდა დაუჭიროს მხარი. ბევრმა ევროპელმა ლიდერმა თქვა, რომ ჯერ არ აპირებენ სანქციების შემსუბუქების მხარდაჭერას.
