შოტლანდიის სამხრეთით პარასკევიდან მთებში ორი დღეა ხანძრს ებრძვიან. ამის შესახებ The Guardian იუწყება.
ხანძარი პარასკევს გალოვეის მთებში გაჩნდა და ჩრდილოეთით, აღმოსავლეთ ერშირში გავრცელდა.
ხანძრის გავრცელებას ხელს უწყობს გვალვა და ძლიერი ქარი.
ადგილზე მობილიზებულია დიდი რაოდენობით სახანძრო ბრიგადა და ოთხი ვერტმფრენი.
სამაშველო სამსახურებმა ხანძრის ზონაში მყოფი ტურისტების ევაკუაცია განახორციელეს; პოლიცია მოქალაქეებს მოუწოდებს, არ მიუახლოვდნენ ტერიტორიას. მიმდებარე დასახლებების მცხოვრებლებს მოუწოდეს, არ გააღომ ფანჯრები.
ტყის ხანძრის ქრობის ოპერაცია მიმდინარეობს ჩრდილოეთ შოტლანდიაში, ქალაქ ალაპულთანაც.
გარდა ამისა, ჩრდილოეთ ირლანდიაში ტყის ხანძრის გავრცელებასთან დაკავშირებით ერთი ადამიანი დააკავეს.
ადგილზე მობილიზებული იყო 100-ზე მეტი მეხანძრე და 15 ერთეული ტექნიკა. მეხანძრეები ეჭვობენ, რომ ტერიტორიაზე განზრახ არის გაჩენილი.
ბრიტანეთში ტემპერატურის მნიშვნელოვანი ზრდისა და გვალვის გამო, ამ კვირაში ხანძრის საშიშროების მაღალი დონე გამოცხადდა.
