ბიზნეს ომბუდსმენის დანიშვნის შემდეგ მთავრობა მისი უფლებებისა და ვალდებულებების გაფართოებაზე იმუშავებს, _ ამის შესახებ საქართველოს პრემიერ-მინისტრმა ნიკა გილაურმა მთავრობის დღევანდლე სხდომაზე განაცხადა.
"ჩვენ განვიხილავთ ვარიანტებს, თუ როგორ შეიძება ბიზნეს ომბუდსმენი კიდევ უფრო აქტიური გახდეს და დაიცვას კერძო სექტორის ინტერესები. ახალი ეკონომიკური კურსი უნდა იყოს არა უბრალო სიტყვები, არამედ ინვესტორებმა და ბიზნესმენებმა სახელმწიფოს მხარდაჭერა იგრძნონ. ამ საკითხზე სხდომის დასრულების შემდეგ თავად კერძო სექტორის წარმომადგენლებსაც შევხვვდები და მათთან ვისაუბრებ", - განაცხადა გილაურმა.
მისივე განმარტებით, მთავრობას სურს, რომ ბიზნეს ომბუდსმენის უფლებები განსაკუთრებით დავების საბჭოს სისტემაში გაფართოვდეს, რათა მას კერძო სექტორის ინტერესების დაცვა გაუმარტივდეს.
ამასთან ნიკა გილაური არ გამორიცხავს, რომ ახალ საგადასახადო კოდექსში, რომელიც მიმდინარე წლის 1 იანვრიდან ამოქმედდა, გარკვეული ხარვეზები გამოიკვეთოს, თუმცა აცხადებს, რომ თუნდაც ბიზნეს ომბუდსმენის ინსტიტუტის შემოღებით ყველა ხარვეზი დროულად იქნება გათვალისწინებული.
"ხარვეზებს პრაქტიკა გამოავლენს. მისი წინასწარვე გათვალისწინება შეუძლებელი იქნებოდა. ასე რომ, ყველას ვთხოვ, მიმართოს მთავრობას ფინანსთა სამინისტროს ბიზნეს ომბუცმენს უახლოესი თვეების განმავლობაში, თუკი ისინი ახალ საგადასახადო კოდქსში რაიმე ხარვეზს აღმოაჩენენ", - განმარტა პრემიერ-მინისტრმა.
გარდა ამისა, ქვეყნის მთავრობის ხელმძღვანელის თქმით, ის ბიზნესომბუდმსენს უახლოესი 3-4 დღის განმავობაში წარადგენს.
შეგახსენებთ, რომ ბიზნესომბუდსმენის ინსტიტუტის შემოღებას პრემიერ-მინისტრს ახალი საგადასახადო კოდექი ავალდებულებს.