2011 წლის მესამე კვარტალში ინფლაცია 2010 წლის დასაწყისში არსებულ დონეს ნიშნულს დაუბრუნდება.
ამის შესახებ განცხადება ეკონომიკისა და მდგრადი განვითარების მინისტრმა ვერა ქობალიამ გააკეთა. ქობალიას განმარტებით, აღნიშნული პრობლემა აქტუალურია არა მხოლოდ საქართველოსთვის, არამედ მსოფლიოს თითქმის ყველა ქვეყინსათვის. მინისტრი განმარტავს, რომ სახელმწიფოს ცალკეული სტრუქტურები ინტენსიურად მუშაობენ და ქვეყანაში სასურსათო პროდუქციის კუთხით პრობლემები არ არსებობს.
"ძალიან კარგად მესმის თუ რა აწუხებს მოსახლეობას. ინფლაცია დღეს მნიშვნელოვანი საკითხია და ამ თემაზე ვმუშაობ სოფლის მეურნეობის სამინისტროსთან ერთად.
ქვეყანაში სასურსათო პროდუქციის მარაგი არსებობს და როგორც სოფლის მეურნეობის მინისტრმა აღნიშნა მთავარია პანიკა არ იყოს' - განაცხადა ვერა ქობალიამ.
მინისტრი აცხადებს, რომ მსოფლიოს მასშტაბით ბევრს მოგზაურობს და აღნიშნული თემა აწუხებთ როგორც ევროპაში, ასევე აზიაში.
"ჩემი ვარაუდით, 2011 წლის მეორე ნახევარში უფრო კონკრეტულად კი მესამე კვარტალში ინფლაცია დაიწევს და ის დაუბრუნდება იმ ნიშნულს, რომელიც 2010 წლის დასაწყისში გვქონდა" - განაცხადა მინისტრმა.
ეკონომიკისა და მდგრადი განვითარების მინისტრმა პრეზიდენტის გამოსვლაც შეაფასა და განაცხადა რომ მნიშვნეოვანია ჩინოვნიკებს მჭიდრო ურთიერთობა ჰქონდეს მოსახლეობასთან.
"პრეზიდენტის ძალიან საინტერესო გამოსვლა იყო და მნიშვნელოვანია რომ ამ ჩართვებით პრეზიდენტი პასუხობს ხალხს. მნიშვნელოვაინა რომ ის ადამიანები, რომლებიც სახელმწიფო უწყებბში მუშაობენ პირდაპირი ურთიერთობები და შეხვედრები ჰქონდეს ხალხთან, რათა ხელისუფლებამ კარგად იცოდეს თუ რა აწუხებს დღეს მოსახლეობას" - განაცხადა მინისტრმა.