კიევი სარაკეტო იერიშის ქვეშ მოექცა. დაშავდა სამი ადამიანი
ამის შესახებ ქალაქის მერმა ვიტალი კლიჩკომ განაცხადა.
მისი თქმით, კიევზე სარაკეტო თავდასხმის შედეგად ხანძარი გაჩნდა ობოლონის, დარნიცის და სოლომენის რაიონებში მდებარე არასაცხოვრებელ შენობებში.
უკრაინის საგანგებო სიტუაციების მართვის სახელმწიფო სამსახურის ცნობით, მტერმა კიევზე იერიში ბალისტიკური რაკეტით განახორციელდა.
მაშველების თქმით, კიევის დარნიცის რაიონში თავდასხმის შედეგად ერთ მისამართზე ხანძარი გაჩნდა არასაცხოვრებელ კორპუსში, მეორეში კი შენობა დაინგრა და მიმდებარედ პარკირებულ სამ ავტომობილს ცეცხლი გაუჩნდა.
უკრაინის დედაქალაქის ობოლონის რაიონში, ავეჯის სახელოსნოში ხანძარი გაჩნდა, ცეცხლი მოედო მეორე საწყობის შენობას.
ნაწილობრივ დაინგრა 5-სართულიანი ბიზნესცენტრის ზედა სართულები.
კიევის სოლომენის რაიონში ხანძარი გაჩნდა ღია ადგილას, ასევე ცეცხლი გაუჩნდა საწყობის შენობის ფასადს.
მაშველების ცნობით, თავდასხმის შედეგად 3 ადამიანი დაშავდა, რომელთაგან ორი საავადმყოფოში გადაიყვანეს.
