4 აპრილს კრივი რიჰზე რუსეთის დარტყმების შედეგად დაღუპულთა ხსოვნის პატივსაცემად უკრაინაში 6 აპრილი გლოვის დღედ გამოცხადდა.
ამის შესახებ უკრაინის ვიცე-პრემიერმა ოლექსი კულებამ განაცხადა.
„უკრაინის ქალაქები და სოფლები 6 აპრილს გლოვის დღედ გამოაცხადებენ კრივი რიგში თავდასხმის შედეგად დაღუპულთა ხსოვნის პატივსაცემად.
კრივი რიჰის გვერდითაა უკრაინის ყველა რეგიონალური ცენტრი, დიდი და პატარა თემები. დაღუპულთა და მათი ოჯახებისადმი სოლიდარობის ნიშნად, თემებში ხვალ გლოვის დღე გამოცხადდება. კიევიდან ოდესამდე, კრამატორსკიდან უჟგოროდამდემ, ქალაქებში დროშები დაშვებული იქნება და დუმილი დაისადგურებს“, - განაცხადა კულებამ.
4 აპრილს კრივი რიჰზე რუსეთის ბალისტიკური რაკეტით დარტყმის შედეგად 18 ადამიანი დაიღუპა, მათ შორის 9 ბავშვი. ამის შემდეგ რუსეთის ძალებმა ქალაქზე იერიში დრონებით მიიტანეს, რომელსაც ერთი ადამიანი ემსხვერპლა. დარტყმების შედეგად დაშავებულია 74 ადამიანი.
7, 8 და 9 აპრილს - კრივი რიჰში გლოვა გამოცხადდა.
