ნატო-ს არ აქვს წითელი ხაზები უკრაინაში ომის დასრულებასთან დაკავშირებით, რადგან ალიანსი არ არის ჩართული სამშვიდობო მოლაპარაკებებში. ამის შესახებ ნატო-ს გენერალურმა მდივანმა მარკ რუტემ განაცხადა.
„ჩვენ, როგორც ნატო, არ ვმონაწილეობთ ამ მოლაპარაკებებში. მოლაპარაკებებს ხელმძღვანელობს უკრაინასთან და რუსეთთან ერთად შეერთებული შტატები აწარმოებს. მოხარული ვარ, რომ შეერთებულმა შტატებმა წინ წაიწია ამ საკითხში და ეს მოლაპარაკებები ახლა მიმდინარეობს“, - განაცხადა რუტემ.
მან ხაზგასმით აღნიშნა, რომ მოლაპარაკებები ნელა მიმდინარეობს „არა უკრაინის, არამედ რუსეთის გამო“ და დასძინა, რომ „ბურთი ახლა აშკარად რუსეთის მოედანზეა“.
ამავდროულად, მიუხედავად იმისა, რომ ნატო არ მონაწილეობს მოლაპარაკებებში, რუტემ აღნიშნა, რომ ალიანსს სურს, რომ „უკრაინა იყოს ამაყი სუვერენული სახელმწიფო, რომელიც წინ მიიწევს“.
"ეს არის ის, რაც ჩვენ ყველას გვსურს. ეს უნდა იყოს სამართლიანი და ხანგრძლივი მშვიდობა. პუტინი არასოდეს არ უნდა ეცადოს ამის გამეორება", - თქვა რუტემ.
