ორშაბათს, 7 აპრილს, ისრაელის პრემიერ-მინისტრი ბენიამინ ნეთანიაჰუ თეთრ სახლს ეწვევა. ამის შესახებ Axios იუწყება.
როგორც გამოცემა აღნიშნავს, თუ ვიზიტი ჩატარდება ისე, როგორც დაგეგმილია, ნეთანიაჰუ გახდება პირველი უცხოელი ლიდერი, რომელიც პირადად შეხვდება აშშ-ს პრეზიდენტ დონალდ ტრამპს, რათა შეეცდება მოლაპარაკებას ტარიფების გაუქმებაზე.
ლიდერები ასევე განიხილავენ ირანის ბირთვულ კრიზისის და ღაზაში ომის საკითხებს.
ამასთან, შეერთებული შტატების პრეზიდენტმა, დონალდ ტრამპმა განაცხადა, რომ ნეთანიაჰუს ვაშინგტონში მომდევნო კვირაში ელოდება.
ჟურნალისტმა დონალდ ტრამპს ჰკითხა, ესაუბრა თუ არა ისრაელის პრემიერ-მინისტრს, რაზეც აშშ-ის პრეზიდენტმა უპასუხა, რომ საუბარი 4 აპრილს შედგა.
„ვფიქრობ, ჩვენს ქვეყანას მალე ეწვევა, შესაძლოა, შემდეგ კვირას. ვისაუბრებთ ისრაელზე, ვისაუბრებთ იმაზე, რაც ხდება“, – განაცხადა დონალდ ტრამპმა.
