"თორაკო-აბდომინალური კლინიკის" საწყისი ღირებულება 2 მლნ. ლარია და მისი გასხვისება ეკონომიკისა და მდგრადი განვითარების სამინისტროს, 8 თებერვლისთვის ჩანიშნულ აუქციონზე აქვს დაგეგმილი.
კლინიკა წინანდლის ქ. 9-ში მდებარეობს და 3416.44 კვ.მ. ფართს და მასზე წილობრივად დამაგრებული მიწის ნაკვეთს ფლობს, მათ შორის: მე-4 სართული: 903,21 კვ.მ.
ობიექტის საწესდებო კაპიტალი 1242490.00 ლარს შეადგენს.
ეკონომიკისა და მდგრადი განვითარების სამინისტროს ინფორმაციით, "თორაკო-აბდომინალური კლინიკას" 218766.93 ლარის დებიტორული დავალიანება და 141761.50 ლარის კრედიტორული დავალიანება აქვს. აუქციონის პირობების თანახმად, ინვესტორი ვალდებულია "თორაკო-აბდომინალური კლინიკას" 7 წლის განმავლობაში პროფილი შეუნარჩუნოს.
