საფრანგეთის პრეზიდენტი ემანუელ მაკრონი, შესაძლოა, გახდეს ევროპის მხრიდან მთავარი საკონტაქტო პირი რუსეთის პრეზიდენტ ვლადიმირ პუტინთან სამშვიდობო მოლაპარაკებებში. ამის შესახებThe Telegraph იუწყება.
„მსურველთა კოალიციის“ ზოგიერთი წევრი დაჟინებით მოითხოვს, რომ მაკრონმა წარმართოს რუსეთთან ურთიერთობის პროცესი, როგორც კიევის მხარდაჭერის მცდელობის ნაწილის.
საფრანგეთის პრეზიდენტი და დიდი ბრიტანეთის პრემიერ-მინისტრი კირ სტარმერი, რომელიც ხელმძღვანელობს ქვეყნების ჯგუფს, რომლებიც უკრაინაში ცეცხლის შეწყვეტის შესახებ შეთანხმების მიღწევას გეგმავენ, მოსკოვთან ყველაზე სავარაუდო თანამოსაუბრეებად დასახელდნენ.
გამოცემის ცნობით, სტარმერი უკრაინის თავდაცვის მხარდასაჭერად, ბრიტანეთის ძალისხმევის ფარგლებში არ გეგმავს პუტინთან მოლაპარაკებას.
თუმცა, ელისეს სასახლეში The Telegraph-ის წყარომ განაცხადა, რომ მაკრონს შეუძლია ამ როლის შესრულება „როცა დრო მოვა“.
უნდა აღინიშნოს, რომ ამას წინ უძღოდა 4 აპრილს კიევში სამხედრო კონტიგენტების განლაგების თაობაზე საფრანგეთის, დიდი ბრიტანეთისა და უკრაინის წარმომადგენლების შეხვედრა.
ამასთან, Bloomberg-მა დაწერა, რომ შეერთებული შტატები, ვიდრე გადადგამს შემდგომ ნაბიჯებს უკრაინაში ომის დასასრულებლად, დაელოდება რუსი მომლაპარაკებლის კირილ დმიტრიევის აშშ-ში ვიზიტის ანგარიშს რუსეთის პრეზიდენტ ვლადიმირ პუტინთან.
