უკრაინის პრეზიდენტმა ვოლოდიმერ ზელენსკიმ განაცხადა, რომ შეერთებულ შტატებში წიაღისეულის შესახებ შეთანხმების განსახილველად, უკრაინიდან მომლაპარაკებელთა ტექნიკური ჯგუფი გაემგზავრება.
ზელენსკიმ განაცხადა, რომ მომავალი კვირის დასაწყისში უკრაინა დადებს შეთანხმებას სამი იურიდიული კომპანიიდან ერთ-ერთთან, რომელიც მის ინტერესებს წარმოადგენს შეერთებულ შტატებთან მოლაპარაკებებში.
„მომავალი კვირის დასაწყისში მე მექნება დიდი შეხვედრა ჩვენს გუნდთან, სადაც მე წარვადგენ ყველა იმ პუნქტს (შეთანხმების), რომელიც გვაკმაყოფილებს, ან რომელიც ასახავს სამართლიანობას შეთანხმებაში ჩვენი აზრით – როგორც ჩვენ ვხედავთ“, - თქვა ზელენსკიმ.
ამის შემდეგ, ზელენსკიმ აღნიშნა, რომ ტექნიკური გუნდი მზად იქნება საქმიანი ვიზიტისთვის ამერიკის შეერთებულ შტატებში და თავის ამერიკელ პარტნიორებთან დიალოგისთვის.
ამასთან, ზელენსკიმ განმარტა, რომ ის თავად ჯერ არ გეგმავს ვიზიტს შეერთებულ შტატებში.
