პრეზიდენტ დონალდ ტრამპს უახლოეს გარემოცვაში მყოფი პირები ურჩევენ, მაშინ როცა რუსეთის პრეზიდენტ ვლადიმირ პუტინთან სატელეფონო საუბარი ჯერ დაგეგმილი არ არის, პუტინთან სატელეფონო საუბარი არ გამართოს, ვიდრე რუსეთი უკრაინაში სრულ ცეცხლის შეწყვეტაზე არ დათანხმდება. ამის შესახებ NBC News იუწყება.
NBC News-ის ცნობით, აშშ-ის პრეზიდენტის ადმინისტრაციის ორმა ოფიციალურმა პირმა განაცხადა, რომ შესაძლოა, ტრამპმა მოულოდნელად გადაწყვიტოს პუტინთან საუბარი, თუმცა, მათი თქმით, ტრამპს ურჩიეს, რომ პუტინთან სატელეფონო საუბარი ცუდი იდეაა, თუკი რუსეთის პრეზიდენტი თეთრ სახლს არ აცნობებს, რომ სრულად ცეცხლის შეწყვეტაზე თანახმა არ არის.
30 მარტს ცნობილი გახდა, რომ ტრამპი აპირებს ახალი საუბრის გამართვას რუსეთის ვლადიმერ პუტინთან, რომლის დროსაც ისინი უკრაინის საკითხს განიხილავენ.
ტრამპსა და პუტინს წინა სატელეფონო საუბარი 18 მარტს ჰქონდათ.
