შეერთებული შტატები ნატო-ს შემადგენლობაში დარჩება. პრეზიდენტი დონალდ ტრამპი არ არის ალიანსის წინააღმდეგი, ის ეწინააღმდეგება ალიანსს, რომელსაც არ აქვს საკმარისი შესაძლებლობები, შეასრულოს თავისი ვალდებულებები წევრი ქვეყნების წინაშე. ამის შესახებ აშშ-ის სახელმწიფო მდივანმა მარკო რუბიომ ბრიუსელში ნატო-ს გენერალურ მდივანთან მარკ რუტესთან ერთობლივ ბრიფინგზე განაცხადა.
„აშშ-ის პრეზიდენტმა ნათლად თქვა, რომ მხარს უჭერს ნატო-ს და ჩვენ ვაპირებთ ნატო-ში დარჩენას“, - განაცხადა მან.
რუბიოს თქმით, ნატო-ში აშშ-ის ახალი ელჩის, მეთიუ უიტაკერის ბრიუსელში ყოფნა უკვე ალიანსისადმი შეერთებული შტატების ერთგულების დემონსტრირებაა.
„მაგრამ ჩვენ გვინდა, რომ ნატო იყოს უფრო ძლიერი. ჩვენ გვინდა, რომ ნატო იყოს უფრო სიცოცხლისუნარიანი მისი გაზრდილი თავდაცვის შესაძლებლობების გამო. ჩვენ პრიორიტეტს ვანიჭებთ დაცვას იმ როლის გამო, რომელსაც ჩვენ ვთამაშობთ მსოფლიოში. და ჩვენ გვინდა, რომ ჩვენმა პარტნიორებმაც იგივე გააკეთონ“, - თქვა მან.
