დღეს, საქართველოს რეგიონული განვითარებისა და ინფრასტრუქტურის სამინისტროს ორგანიზებით, ბაქო-თბილისი-ყარსის სარკინიგზო ხაზის პროექტის განხორციელებასთან დაკავშირებით საკოორდინაციო საბჭოს სამმხრივი სხდომა გაიმართება.
მინისტერიალში საქართველოს რეგიონული განვითარებისა და ინფრასტრუქტურის მინისტრთან და, სამინისტროს სხვა წარმომადგენლებთან ერთად, მონაწილეობას იღებს აზერბაიჯანული დელეგაცია, ტრანსპორტის მინისტრის ზია მამედოვის და თურქეთის რესპუბლიკის დელეგაცია ტრანსპორტისა და კომუნიკაციების მინისტრის ბინალი ილდირიმის ხელმძღვანელობით.
გუშინ შედგა ორმხრივი შეხვედრა ქართული და აზერბაიჯანული მხარეების მონაწილეობით. მხარეები ბაქო-თბილისი-ყარსის სარკინიგზო მაგისტრალის პროექტის ფარგლებში მიმდინარე სამუშაოებს: ყარსი-ახალქალაქის მონაკვეთის რებილიტაცია-მშენებლობის, თურქეთისა და საქართველოს საზღვარზე მდებარე 4 კმ-იანი გვირაბის მშენებლობის და საზღვრის გადაკვეთისას საბაჟო და სასაზღვრო პროცედურების გამარტივების საკითხებს განიხილავენ. მხარეები ასევე, რკინიგზის მშენებლობის შემდგომი ეტაპების გეგმებს დასახავენ.
შეგახსენებთ, რომ ბაქო-თბილისი-ყარსის სარკინიგზო მაგისტრალის პროექტი "ბაქო-თბილისი-ყარსის ახალი სარკინიგზო ხაზის" მშენებლობის შესახებ საქართველოს, აზერბაიჯანსა და თურქეთს შორის გაფორმებული საერთაშორისო შეთანხმების ფარგლებში ხორციელდება და საქართველო-აზერბაიჯანი-თურქეთის, როგორც ინფრასტრუქტურული ასევე რეგიონული მნიშვნელობის თვალსაზრისით უმნიშვნელოვანეს პროექტს წარმოადგენს.
სხდომა დღეს, "თბილისი მარიოტში", 13:50 საათზე გაიმართება.
