ეკონომიკისა და მდგრადი განვითარების სამინისტრო შპს "ბათუმის ნავთობგადამამუშავებელი ქარხნის" ტერიტორიაზე სახელმწიფო საკუთრებაში არსებული ТГМ-4 და ТГМ-4а ტიპის თბომავლებს ყიდის. ობიექტის საწყისი ღირებულება 75 ათასი ლარია და აუქციონი 8 თებერვლისთვის არის დაგეგმილი.
აუქციონის პირობების თანახმად, მყიდველი ვალდებული ხდება ასევე ხელშეკრულების გაფორმებიდან 30 კალენდარული დღის განმავლობაში შპს "ბათუმის ნავთობგადამამუშავებელი ქარხნის" საგადასახადო დავალიანება 95021 ლარი სრულად დაფაროს.
შეგახსენებთ, რომ 2010 წლის 1-ელ სექტემბერ ეკონომიკისა და მდგრადი განვითარების სამინისტრომ 15 მლნ. აშშ დოლარად გაიყიდა ბათუმში, თამარის დასახლებაში, ბათუმის ნავთობგადამამუშავებელი ქარხნის ტერიტორიაზე მდებარე შენობა-ნაგებობები, მათზე დამაგრებული მიწის ნაკვეთები და იქ განთავსებული უძრავი და მოძრავი ქონება. ობიექტის ახალი მფლობელი შპს "ბათუმი პეტროლიუმი" გახდა.
