თეთრ სახლში აცხადებენ, რომ რუსეთი არ შევიდა პრეზიდენტ დონალდ ტრამპის გამოცხადებულ ტარიფების სიაში, რადგან მის მიმართ არსებული გადასახადები და სანქციები უკვე ძალიან მაღალია.
ამის შესახებ თეთრი სახლის პრესსპიკერმა ქეროლაინ ლევიტმა Axios-ის შეკითხვის პასუხად განაცხადა.
მისი თქმით, რუსეთი არ აღმოჩნდა სიაში, რადგან აშშ-ის მიერ დაწესებული სანქციები უკვე „გამორიცხავს რამე მნიშვნელოვან ვაჭრობას“. როგორც ლევიტმა აღნიშნა, მათ მიმართ. არსებული გადასახადები და სანქციები უკვე „ძალიან მაღალია“. ამასთან, ლევიტის თქმით, რუსეთი შეიძლება, კვლავ დადგეს „დამატებითი მკაცრი სანქციების“ წინაშე.
ის, რომ ტარიფების სიაში რუსთის გარდა ასევე არ არის ჩრდილოეთ კორეა და ბელარუსი, განმარტება გააკეთა სახაზინო მდივანმა სკოტ ბესენტმაც.
ბესენტმა აღნიშნა, რომ რუსეთი არ ექვემდებარება ახალ ტარიფებს, რადგან „აშშ არ აწარმოებს ვაჭრობას რუსეთთან“.
მან ასევე დაამატა, რომ ამერიკის სანქციები უკვე მოქმედებს რუსეთის წინააღმდეგ.
მან ასევე მოუწოდა სხვა ქვეყნებს, არ უპასუხონ აშშ-ის პრეზიდენტის დონალდ ტრამპის გადაწყვეტილებას სარკისებური ტარიფებით, რადგან ეს გამოიწვევს ესკალაციას.
"ყველა ქვეყნისთვის ჩემი რჩევაა:არ მიიღოთ საპასუხო ზომები. დასხედით მოხერხებულად, დაფიქრდით სიტუაციაზე, ვნახოთ რა იქნება. რადგან თუ საპასუხო ზომებს მიიღებთ, ეს ესკალაციას გამოიწვევს, - თქვა მან Fox News-თან ინტერვიუში.
