შეერთებული შტატების პრეზიდენტმა დონალდ ტრამპმა აშშ-ში უცხო სახელმწიფოებიდან იმპორტზე სულ მცირე 10%-იანი ტარიფები დააწესა. ზოგიერთ შემთხვევაში სატარიფო განაკვეთი  კი 50%-საც კი აღწევს.

თეთრი სახლის გამოქვეყნებული სიის თანახმად, დონალდ ტრამპმა 10%-იანი ტარიფი დაუწესა საქართველოსაც.

:ჩინეთს 34%-იანი ტარიფი დაუწესდა, ინდოეთს – 26%-იანი, იაპონიას – 24%-იანი, ვიეტნამს – 46%-იანი, ტაივანს – 32%-იანი, მოლდოვას – 31%-იანი, სამხრეთ კორეას – 25%-იანი, კამბოჯას – 49%-იანი, ტაილანდს – 36%-იანი, შრი ლანკას – 44%-იანი და ა.შ. ინფორმაციას Sky News ავრცელებს.

საქართველოს, აზერბაიჯანს, სომხეთს, ასევე უკრაინას აშშ-მა 10%-იანი ტარიფი დაუწესა.

ამასთან, ტრამპმა ევროკავშირს – 20%-იანი და დიდ ბრიტანეთს 10%-იანი ტარიფები დაუწესა.

აშშ-ის პრეზიდენტის განცხადებით, ტარიფები აშშ-ს ეკონომიკის აღდგენაში დაეხმარება.

ტრამპის თქმით, დიდ პატივს სცემს ჩინეთს და პრეზიდენტ სი ძინპინს, თუმცა ისინი „უზარმაზარ უპირატესობას იღებენ“ აშშ-ისგან.

„სხვა ლიდერები ზრუნავენ თავიანთ ქვეყნებზე, აწესებენ მაღალ ტარიფებს ამერიკულ იმპორტზე, ჩვენ ახლავე უნდა დავიწყოთ ზრუნვა ჩვენს ქვეყანაზე“, – განაცხადა ტრამპმა.

საბაზისო 10%-იანი ტარიფები 5 აპრილს შევა ძალაში.