თეთრმა სახლმა დაადასტურა, რომ აშშ-ის ეროვნული უსაფრთხოების მრჩეველი მაიკლ უოლცი იყენებდა დაუცველ პლატფორმა Gmail -ს სამუშაოსთან დაკავშირებული საკითხებისთვის, მაგრამ იქ საიდუმლო ინფორმაცია არ გაუგზავნა.

აღნიშნული კომენტარი Reuters-თან აშშ-ის ეროვნული უშიშროების საბჭოს სპიკერმა ბრაიან ჰიუზიმ გააკეთა.

მანამდე,The Washington Post იტყობინებოდა, რომ პრეზიდენტ ტრამპის ეროვნული უშიშროების საბჭოს წევრები, მათ შორის უოლცი, აწარმოებდნენ სამთავრობო საკითხებს პირადი Gmail-ის ანგარიშების საშუალებით.

სხვა საკითხებთან ერთად, ტრამპის მრჩეველი, სავარაუდოდ, იღებდა ნაკლებად კონფიდენციალურ, მაგრამ პოტენციურად სენსიტიურ ინფორმაციას Gmail-ის ანგარიშზე, მათ შორის მისი განრიგი და სხვა სამუშაო დოკუმენტების შესახებ.

ეროვნული უშიშროების საბჭოს სპიკერის თქმით, უოლცმა მიიღო "ელექტრონული წერილი და კალენდარული მოწვევები ძველი კონტაქტებისგან" მისი პირადი ელ.ფოსტის ანგარიშის საშუალებით.

”მას არასოდეს გაუგზავნია საიდუმლო მასალა მისი პირადი ელექტრონული ფოსტით ან რაიმე დაუცველი პლატფორმის საშუალებით,” - დასძინა მან.