უკრაინული მედიის ცნობით, 2 აპრილის შუადღისას, რუსეთის საოკუპაციო ძალებმა კრივი რიჰზე სარაკეტო იერიში მიიტანეს. წინასწარი ინფორმაციით, ოკუპანტებმა თავდასხმა ბალისტიკური რაკეტით განახორციელეს. ბოლო ინფორმაციით, დაიღუპა ოთხი და დაშავდა 14 ადამიანი. დაშავებულთა შორის ორი ბავშვია. ერთ-ერთი მათგანი - 8 წლის ბიჭის მდგომარეობა მძიმეა.
ასდგულობრივმა ხელისუფლებამ მოსხელოაბს უსაფრთხო ადგილებში გადასვლისკენ მოუწოდა. დნიპროპეტროვსკის ოლქსი ადმინისტრაციის ხელმძღვანელის სერჰიი ლისაკის ცნობებით, ყველა დაშავებული ჰოსპიტალიზებულია.
თავდასხმას უკრაინის პრეზიდენტი ვoლადიმირ ზელენსკიც გამოეხმაურა.
„რუსეთის ყველა ასეთი დარტყმა ადასტურებს, რომ უკრაინას სჭირდება საკმარისი საჰაერო თავდაცვის სისტემები და რაკეტები, რათა ჩვენ შევძლოთ დავიცვათ უკრაინელი ხალხი რუსული ტერორისგან. ამისთვის ყველა პარტნიორთან ვმუშაობთ“, - წერს ზელენსკი.
ლისაკის ცნობით, კრივი რიჰში დარტყმის შედეგად გაჩენილი ხანძარი მაშველებმა ჩააქრეს. ქალაქში აფეთქების ტალღამ დააზიანა სპორტული დარბაზი, ადმინისტრაციული შენობების ფანჯრები და მრავალსართულიანი შენობები.
