ტრამპის ადმინისტრაცია ცდილობდ გარიგებები გააფორმოს აფრიკის, აზიისა და აღმოსავლეთ ევროპის ქვეყნებთან, რომლებსაც შეუძლიათ მიიღონ შეერთებული შტატებიდან დეპორტირებული მიგრანტები, მათ შორის მოლდოვასთან და კოსოვოსთან. ამის შესახებ The Wall Street Journal წყაროებზე დაყრდნობით წერს.
ტრამპის გუნდის წევრები, რომლებიც პასუხისმგებლები არიან საიმიგრაციო საკითხებზე, ეძებენ ახალ მიმართულებებს იმ ემიგრანტების გასაგზავნად, რომელთა დეპორტაციაც აშშ-ს სურს.
სასურველი მოდელი ეფუძნება ერთჯერად შეთანხმებას, რომელიც ადმინისტრაციამ პანამასთან თებერვალში დადო, რომლის თანახმად ცენტრალური ამერიკის ქვეყანაში ძირითადად ახლო აღმოსავლეთიდან 100-ზე მეტი მიგრანტი გადაიყვანეს.
ქვეყნები, რომლებსაც აშშ სთხოვდა დეპორტირებული პირების მიღებას, მოიცავს ლიბიას, რუანდას, ბენინს, ესვატინს, მოლდოვას, მონღოლეთს და კოსოვოს.
შეერთებული შტატები იმედოვნებს, რომ ეს ქვეყნები დათანხმდებიან ადმინისტრაციის თხოვნას, შესაძლოა ფინანსური შეთანხმებების ან პოლიტიკური მოგების სანაცვლოდ, რომ დაეხმარონ პრეზიდენტ ტრამპს მისი ერთ-ერთი მთავარი საშინაო პრიორიტეტის მიღწევაში.
სხვა წყარომ თქვა, რომ ადმინისტრაცია იმედოვნებს, რომ ლათინური ამერიკის ზოგიერთი ქვეყანა ხელს მოაწერს გრძელვადიან შეთანხმებებს, რათა ეს ქვეყნები მიიჩნიონ უსაფრთხოდ მიგრანტებისთვის, რომლებსაც შეუძლიათ თავშესაფარი მოითხოვონ შეერთებული შტატების ნაცვლად.
წყაროების თქმით, ახლოს არიან ჰონდურასთან ასეთი შეთანხმების მიღწევასთან და მოლაპარაკებებს აწარმოებენ კოსტა რიკასთან.
