მთავრობა შპს ,,კურორტი საირმის" გასხვისებას გეგმავს. უკვე უკვე ნაპოვნია სათანადო ინვესტორიც.
"საირმის განვითარების კომპანია" "კურორტი საირმის" სახელმწიფო საკუთრებაში არსებული 100 % წილის მფლობელი გახდება, რაშიც 60 ათას ლარს გადაიხდის. კურორტს სრული რეაბილიტაციისათვის ინვესტორი 10 მლნ. ლარის ინვესტირებას გეგმავს.
სახელმწიფოსა და ინვესტორს შორის წინასწარი მოლაპარაკების საფუძველზე, "საირმის განვითარების კომპანია" ვალდებული იქნება კურორტის რეაბილიტაცია 2012 წლის ბოლომდე ეტაპობრივად განახორციელოს.
ნასყიდობის ხელშეკრულების გაფორების შემდეგ "საირმის განვითარების კომპანია" ვალდებული იქნება ასევე საირმის მინერალური წყლით სარგებლობის დამოუკიდებელი და შეუფერხებელი მიწოდების უზრუნველყოფად საერთაშორისო სტანდარტების შესაბამისი ინფრასტრუქტურა მოაწყოს.