ლიეტუვაში მეოთხე დაღუპული ამერიკელი სამხედრო იპოვეს. ამის შესახებ სოციალურ ქსელ X-ში ლიეტუვის პრეზიდენტი გიტანას ნაუსედა წერს.
„ღრმად დამწუხრებული ვარ, გამოვაცხადო, რომ ლიეტუვაში წვრთნებში მონაწილე მეოთხე ამერიკელი სამხედროს ცხედარი აღმოჩენილია. ჩვენი გულითადი სამძიმარი შერთებულ შტატებს, ჩვენს მოკავშირეებს და მათ ხალხს. ლიეტუვა ლოცულობდა ოთხივე დაკარგული სამხედროსთვის და ახლა მთელი გულით ჩვენ მათი ოჯახების გვერდით ვართ. ღრმად მალდობელი ვართ ყველასი, ვინც უზარმაზარი ძალისხმევა გასწია დაკარგული სამხედროს ძებნისთვის ასეთ რთულ პირობებში“, – დაწერა ნაუსედამ.
31 მარტს, რამდენიმედღიანი სამძებრო-სამაშველო ოპერაციების შედეგად სამი სამხედროს ცხედარს მიაგნეს, ხოლო მეოთხე ამ დრომდე დაკარგულად იყო მიჩნეული.
ჯარისკაცები 25 მარტის დილას წვრთნების დროს გაუჩინარდნენ, როდესაც მათი ჯავშანმანქანა, M88A2 Hercules, რომლის სიმძიმეც 70 ტონას აღწევს, ტორფიან ჭაობში ჩაიძირა.
აშშ-ის არმია და ლიეტუვის ხელისუფლება ინციდენტის გამომწვევ მიზეზებზს იძიებს.
