არაბული ავიაკომპანია Flydubai, რომელიც შესაძლოა მალე საქართველოს ბაზარზეც გამოჩნდეს, 2011 წლის ბოლომდე კლიენტებისათვის მრავალ ახალ შეთავაზებას გეგმავს.
"ჩვენ ვაგრძელებთ განვითარებას და მგზავრებს შესაძლებლობას მივცემთ, იმოგზაურონ რაც შეიძლება მეტი მიმართულებით. წელსვე Fლყდუბაი გეგმავს, თავისი ავიაპარკი 77 %-ით გაზარდოს", - აცხადებს კომპანიის ერთ-ერთი ხელმძღვანელი ჰამად აბაიდალუ.
Flydubai-ის მმართველ გეიტ ალგეითის განცხადებით, 2011 წელს კომპანია 11 ბოინგის შესყიდვას გეგმავს. 2015 წლისთვის კი დამატებით 50 ავიალაინერის შეძენაა ნავარაუდები.
გეიტ ალგეითის განმარტებით, ეკონომიკურ კრიზისს კომპანიის საქმიანობაზე გავლენა არ მოუხდენია და მგზავრებისთვის დაბალი ფასები და შეღავათები განსაკუთრებით ხელსაყრელია.
Flydubai ამჟამად ავიარეისებს ასრულებს ბეირუთში, ამანში, დამასკოში, ალექსანდრიაში, ჯიბუტიში, დოჰაში, ბაჰრეინში, კატმანდუში, ბაქოში და სხვა მიმართულებით.