შეერთებული შტატების სენატში კომენტარი გააკეთეს პრეზიდენტ დონალდ ტრამპის განცხადებაზე, რომ ის არ იქნება წინააღმდეგი სახელმწიფოს მეთაურის პოსტზე მესამედ იყაროს კენჭი, იმის მიუხედავად, რომ კონსტიტუცია ამას კრძალავს. რესპუბლიკელების ლიდერმა ჯონ ტუნიმ თქვა, რომ ტრამპმა "იხუმრა", როდესაც ის ამაზე საუბრობდა. იუწყება CNN.
ტუნიმ აღნიშნა, რომ ტრამპი კონსტიტუციის შეცვლის გარეშე მესამედ ვერ გახდება ამერიკის პრეზიდენტი.
მისი ვარაუდით, პრეზიდენტი საუბრობდა მესამე ვადის შესაძლებლობაზე, რათა"ჟურნალისტებთან საუბრის საშუალება ჰქონოდა".
”თქვენ აგრძელებთ ამ კითხვის დასმას. ვფიქრობ, ის ერთობა ამ კითხვით და სავარაუდოდ გეხუმრებათ“ , - ტუნიმ ჟურნალისტებს.
NBC News-თან ინტერვიუში ტრამპმა არ გამორიცხა მესამე საპრეზიდენტო ვადით კენჭისყრა. მან დასძინა, რომ ამის მისაღწევად "არსებობს მეთოდები" და ხაზგასმით აღნიშნა, რომ "არ ხუმრობს".
როგორც ცნობილია, აშშ-ის კონსტიტუციის 22-ე შესწორება ადგენს, რომ აშშ-ის პრეზიდენტი შეიძლება აირჩეს მაქსიმუმ ორი ვადით.
