უკრაინას ლეგიტიმური მთავრობა ჰყავს, რომელსაც პატივი უნდა სცენ - გაერო-ს გენერალურმა მდივანმა, ანტონიო გუტერეშმა უარყო რუსეთის პრეზიდენტის, ვლადიმირ პუტინის ინიციატივა, რომ სამშვიდობო შეთანხმების ფარგლებში, უკრაინაში დროებითი მმართველობა ჩამოყალიბდეს.
გუტერეშმა აღნიშნა, რომ გაერო-ს წარმომადგენლებს ჰქონდათ გარკვეული კონტაქტები შეერთებულ შტატებთან რუსეთსა და უკრაინას შორის ცეცხლის შეწყვეტის შესახებ მოლაპარაკებებთან დაკავშირებით. მან დასძინა, რომ გაერო ამ მოლაპარაკებებში უშუალო მონაწილეობას არ იღებდა.
რუსეთის პრეზიდენტმა მანამდე განაცხადა, რომ უკრაინას არალეგიტიმური პრეზიდენტი ჰყავს და კიევში დროებითი გარდამავალი მთავრობა გაერო-ს ეგიდით უნდა ჩამოყალიბდეს.
