პარასკევს, აშშ-ის სახელმწიფო დეპარტამენტმა ოფიციალურად აცნობა კონგრესს, რომ ის ფაქტობრივად შლის აშშ-ის საერთაშორისო განვითარების სააგენტოს (USAID) და მის ზოგიერთ ფუნქციას დეპარტამენტს გადასცემს. ამის შესახებ CNN იუწყება.
სახელმწიფო დეპარტამენტის ცნობით, რეორგანიზაცია 1-ელ ივლისამდე დასრულდება.
ტრამპის ადმინისტრაციამ USAID-ი დაადანაშაულა გადასახადის გადამხდელთა სახსრების ბოროტად გამოყენებაში და უცხოეთში პროგრამების დაფინანსებაში, რომლებიც არ ემსახურება აშშ-ის ინტერესებს.
USAID-ის ამჟამინდელი და ყოფილი თანამშრომლები და დახმარების ექსპერტები ამბობენ, რომ სააგენტო, მიუხედავად მისი არასრულყოფილებისა, აკმაყოფილებს სასიცოცხლო ჰუმანიტარულ საჭიროებებს და აძლიერებს ამერიკის რბილ ძალას.
