უკრაინაში ევროკავშირის წარმომადგენლობამ განაცხადა, რომ ევროკავშირი მის წევრ ქვეყნებთან შვედეთთან და გერმანიასთან ერთად 44 მილიონ ევროს გამოყოფს უკრაინის სამოქალაქო საზოგადოების ორგანიზაციების მხარდასაჭერად.
გავრცელებული ინფორმაციით, ევროკავშირი იწყებს საგრანტო კონკურსს, 14 მილიონი ევროს ღირებულების სამოქალაქო საზოგადოების ორგანიზაციების მხარდასაჭერად. კონკურსი იწყება 2025 წლის მაისიდან. აქედან 5 მილიონი ევრო გამოიყოფა გენდერული ლიდერობისა და კონფლიქტების მოგვარების სტრატეგიების შემუშავებაზე.
აქედან 5 მილიონი ევრო გამოიყოფა გენდერული ლიდერობისა და კონფლიქტების მოგვარების სტრატეგიების შემუშავებაზე.
გარდა ამისა, შვედეთი და გერმანია დამატებით დახმარებას უწევენ 17 მილიონი ევროს ოდენობით.
ევროკავშირი ასევე აჩქარებს 13 მილიონი ევროს მხარდაჭერის პაკეტის მიწოდებას, რომელიც უზრუნველყოფს პირდაპირი გრანტების დაფინანსებას სამოქალაქო საზოგადოების პროექტებისთვის, განსაკუთრებით გენდერული თანასწორობის, ომის დანაშაულებზე პასუხისმგებლობის, ინფორმაციის ხელმისაწვდომობის, დემოკრატიული პროცესების გაძლიერების, სოციალური ერთობისა და მდგრადი განვითარების სფეროებში.
ეს დახმარების პაკეტი მიზნად ისახავს გააძლიეროს ევროკავშირის გრძელვადიანი სტრატეგია უკრაინაში სამოქალაქო საზოგადოების გაძლიერების, რუსული აგრესიისადმი მდგრადობის გაზრდისა და ჰუმანიტარული და ინტეგრაციის მცდელობების მიღწევის უზრუნველსაყოფად.
