კოალიცია “ძლიერი საქართველოს“ ლიდერმა, მამუკა ხაზარაძემ სასამრთლო დატოვა, სადაც ის გამოკითხვაზე იმყოფებოდა.
როგორც ხაზარაძემ ჟურნალისტებს განუცხადა, არაფერი მნიშვნელოვანი არ ყოფილა, უბრალოდ “იყო დამაზუსტებელი კითხვები და ჩვეულებრივი პროცედურა ჩატარდა.“
„დამაზუსტებელი კითხვები იყო, არაფერი მნიშვნელოვანი, ჩვულებრივი პროცედურა ჩატარდა, ველოდებით შემდგომ გამოძახებას.
მთავარი კითხვა არის, რატომ არ მივედი ე.წ. პარლამენტში შექმნილ კომისიაზე, რომელსაც ვუწოდე ცირკი, შაპიტო და ბიძინას შოუ, რაზედაც ვუპასუხე, რომ მე, როგორც პოლიტიკური პარტიის ლიდერი, რომელსაც 10 ათასობით ადამიანმა მისცა მანდატი, თუმცა, გადავწყვიტეთ, რომ დაგვეტოვებინა მანდატი, რადგან არ ვაღიარებთ ე.წ. პარლამენტს, წამოღებული მქონდა საბუთები, საერთაშორისო გადაწყვეტილებები, რომლებიც მინდოდა მოსამართლისთვის გამეცნო, რათა დართულიყო საქმეში, მაგრამ ამის საშუალება მოსამართლემ არ მომცა.
თუმცა, მთელმა მსოფლიომ იცის, რომ ბიძინა ივანიშვილმა 2024 წლის 26 ოქტომბრის არჩევნები რუსული მეთოდით გააყალბა, რუსეთის სპეც.სამსახურების მონაწილეობით, რუსები იყვნენ აქ ობიექტებზე ჩამოსული და ისინი მართავდნენ ამ სიტუაციას“, - განაცხადა მან.
