აშშ-ის სახელმწიფო მდივანმა მარკო რუბიომ განაცხადა, რომ რუსეთი მზად არის დათანხმდეს ცეცხლის შეწყვეტას შავ ზღვაში, მაგრამ სანქციების მოხსნის სანაცვლოდ.
აშშ-ის სახელმწიფო მდივნის თქმით, საუდის არაბეთის დედაქალაქ ერ-რიადში მოლაპარაკებების დროს მოსკოვმა წამოაყენა პირობები შავ ზღვაში ენერგომომარაგების და სამხედრო მოქმედებების შეტევების დასასრულებლად. ერთ-ერთი მოთხოვნა სანქციების მოხსნაა.
„ზოგიერთი პირობა მოიცავს სანქციებს, რომლებიც ჩვენი არ არის, ისინი დაწესებულია ევროკავშირის მიერ. ამიტომ, როცა ჩვენი ხალხი დაბრუნდება, ჩვენ დავსხდებით მაგიდასთან, განვიხილავთ წინადადებებს, მივიღებთ მათ შთაბეჭდილებებს საუბრებიდან, რათა უკეთ გავიგოთ, როგორია რუსეთის პოზიცია და რისი მიღება სურთ მათ სანაცვლოდ“, - განაცხადა რუბიომ.
სახელმწიფო მდივანმა ასევე აღნიშნა, რომ ცეცხლის შეწყვეტის შესახებ განხილვის ფაქტი დადებითი სიგნალია.
„ვფიქრობ, კარგია, რომ უკრაინელებიც და რუსებიც საუბრობენ ცეცხლის შეწყვეტაზე, ან ენერგეტიკაზე, ან შესაძლოა შავ ზღვაზე“, - თქვა რუბიომ.
