უკრაინის პრეზიდენტმა ვოლოდიმირ ზელენსკიმ განაცხადა, რომ რუსეთი ყოველდღიურად ახორციელებს ფართომასშტაბიან თავდასხმებს უკრაინაზე და ამის ფონზე რუსეთის ფედერაციაზე ზეწოლის შემსუბუქებაზე საუბარი უადგილოა.
„დღეს უკვე ათზე მეტი დრონმა დაარტყა ჩვენს ხარკოვს, უკრაინის ერთ-ერთ უდიდეს ქალაქს. დაზიანდა ჩვეულებრივი სახლები და ამ დროისთვის დაშავებულია 8 ადამიანი, მათ შორის 12 წლის გოგონა. არცერთმა ქვეყანამ არ უნდა გაიაროს ეს. და ასეთ ფონზე, რუსეთზე ზეწოლის შემსუბუქებაზე, სანქციების მოხსნაზე და ა.შ. საუბარი ნამდვილად უადგილო და უსარგებლოა“, - განაცხადა ზელენსკიმ.
უკრაინის პრეზიდენტი აღნიშნავს, რომ საჭიროა რუსეთზე ზეწოლა ხალხის სიცოცხლის დაცვისა და დიპლომატიის უფრო სწრაფად და სრულყოფილად მუშაობისთვის. მისი თქმით, რუსეთზე ზეწოლის გარეშე შედეგი არ იქნება.
რუსეთის ძალებმა 26 მარტს დრონებით იერიში მიიტანეს დარტყმები ხარკოვსა და სოფელ ზოლოჩოვზე, დაზიანებულია სამოქალაქო ინფრასტრუქტურა, ხარკოში დაშავებულია 8 ადამიანი, ხოლო ზოლოჩოვში - 6.
რუსეთმა შავ ზღვაში ცეცხლის შეწყვეტის სანაცვლოდ სანქციების მოხსნა მოითხოვა.
აშშ-ის პრეზიდენტმა დონალდ ტრამპმა განაცხადა, რომ ამერიკული მხარე განიხილავს რუსეთის მოთხოვნებს.
