უკრაინის პრეზიდენტი ვოლოდიმირ ზელენსკი 26 მარტს საფრანგეთში ჩავიდა.
ინფორმაცია ჟურნალისტებს პრეზიდენტის პრესსპიკერმა სერჰიი ნიკიფოროვმა დაუდასტურა. .
ელისის სასახლემ გუშინ განაცხადა, რომ ზელენსკის ოთხშაბათს საღამოს საფრანგეთის პრეზიდენტი ემანუელ მაკრონი უმასპინძლებს, მომდევნო დღეს უსაფრთხოების სამიტის მოსამზადებლად.
საუბარია 27 მარტს პარიზში დაგეგმილ „მსურველთა კოალიციის“ სამიტზე.
კოალიცია, პირველად მარტის დასაწყისში ლონდონში შეიკრიბა.
მას შემდეგ კოალიციის რამდენიმე შეხვედრა გაიმართა სხვადასხვა ფორმატში. კერძოდ, 15 მარტს სამხედრო ლიდერები შეხვდნენ ლონდონის შემოგარენში, რათა განეხილათ უკრაინაში საერთაშორისო ძალების განლაგების გეგმები.
